Një ngjarje tragjike ka ndodhur në Francë, ku një djalë 3-vjeçar humbi jetën pasi mbeti i bllokuar brenda makinës së familjes në Saint-Gratien.
Ngjarja vjen në një kohë kur vendi po përballet me një valë të fortë të nxehti. Sipas mediave të huaja, fëmija u gjet pa ndjenja mbrëmjen e së mërkurës nga prindërit e tij.
Të lidhura
None found
Shërbimet e emergjencës mbërritën menjëherë në vendngjarje dhe tentuan ta rikthenin në jetë, por pavarësisht përpjekjeve, 3-vjeçari u shpall i vdekur.
Mësohet se fëmija kishte mbetur i bllokuar në automjet për të paktën 45 minuta. Dyshohet se ai kishte hyrë vetë në makinën e parkuar pranë banesës dhe më pas nuk kishte mundur të dilte.
Franca regjistroi të mërkurën një nga ditët më të nxehta të vitit, me temperaturën mesatare që arriti në 30°C. Ndërsa në Paris, temperaturat shënuan 40.3°C, duke kaluar pragun e 40°C për herë të katërt në 150 vitet e fundit.
