Presidenti ukrainas Volodymyr Zelensky ka bërë një apel për qytetarët ukrainas, ku i kërkon të qëndrojnë larg zonave pyjore.
Sipas burimeve, zyrtarët ukrainas po paralajmërojnë se forcat ruse mund të përshkallëzojnë sulmet raketore dhe ajrore gjatë fundjavës, përpara festimeve të planifikuara të “Ditës së Fitores të Rusisë”.
Në fjalimin e tij të përditshëm të natës vonë, Presidenti ukrainas, Volodymyr Zelensky u bëri thirrje qytetarëve që “të zbatojnë rreptësisht rregullat e rendit publik dhe të shtetrrethimit” në komunitetet e tyre.
“U kërkoj të gjithë qytetarëve tanë veçanërisht këto ditë të mos i injorojnë sirenat e sulmit ajror. Ju lutem, kjo është jeta juaj, jeta e fëmijëve tuaj”, tha ai.
Banorët janë gjithashtu të ndaluar të vizitojnë pyjet në territorin e dikurshëm të okupuar sepse “një kërcënim i madh i minave dhe minave me tela të mbetura pas ushtrisë ruse mbetet atje”, raporton BBC.
“Sigurohuni që të respektoni ndalimin”, u tha Zelensky ukrainasve.
