Një ngjarje e rëndë ka ndodhur në Shkollën Publike “Dr. Gerson dos Santos Peres”, në shtetin Pará të Brazilit, ku një nxënëse 17-vjeçare dyshohet se ka sulmuar me thikë mësuesen e saj.
Konflikti nisi pasi vajza mbeti e pakënaqur nga rezultati i marrë në një provim dhe u përfshi në një debat me mësuesen. Situata u përshkallëzua kur 17-vjeçarja iu afrua asaj duke mbajtur një thikë.
Të lidhura
None found
Mësuesja u përpoq ta qetësonte nxënësen përmes komunikimit dhe të parandalonte agravimin e situatës, por ndërhyrja e saj nuk e ndali konfliktin.
Gjatë përleshjes, ajo mori disa plagë të lehta të shkaktuara nga thika. Sipas raportimeve, gjendja shëndetësore e mësueses është e mirë.
Pas ngjarjes, në shkollë mbërriti policia, e cila ndaloi nxënësen 17-vjeçare.
Autoritetet kanë hapur një hetim për të sqaruar rrethanat e incidentit dhe për të përcaktuar përgjegjësitë ligjore të nxënëses.
Rasti ka shkaktuar shqetësim në komunitetin e shkollës, ndërsa hetimet për ngjarjen vijojnë.
