Është dënuar me burgim të përjetshëm pa lirim me kusht një nënë nga Ohio pasi la në shtëpi vetëm vajzën 16-muajshe për 10 ditë ndërsa ajo ishte me pushime. Christel Candelario u deklarua fajtore muajin e kaluar për vrasje të shkallës së parë dhe rrezikim të fëmijëve.
Prokurorët hodhën poshtë dy akuza për vrasje dhe një akuzë për sulm të rëndë. Candelario la vajzën e saj, Jaylin në shtëpinë e tyre në Cleveland kur ajo shkoi me pushime në Detroit dhe Puerto Rico në qershor 2023
Kur u kthye 10 ditë më vonë, zbuloi se vajza nuk merrte frymë dhe thirri urgjencën. Ekipet e shpëtimit e gjetën fëmijën të vdekur dhe konstatuan se fëmija ishte jashtëzakonisht i dehidratuar.
Autopsia tregoi se vogëlushi vdiq nga uria dhe dehidratimi i rëndë. Gjykatësi tha se Candelario “ka kryer tradhtinë e fundit” duke e lënë vajzën e saj vetëm pa ushqim. Ai shtoi se të paktën burgu do t’ju ushqejë dhe do t’ju japë lëngje që keni refuzuar.
Candelario, e cila është marrë me depresionin dhe çështjet e lidhura me shëndetin mendor, tha se ajo lutet çdo ditë për falje.
“Nuk do të justifikoj veprimet e mia, Zoti dhe vajza ime më fali,” tha ajo.
