Ndërtuesi i kompleksit “Rilindja” në qytetin e Hatay-t, është arrestuar mbrëmjen e sotme në aeroportin e Stabollit.
Sipas mediave turke ndërtuesi Mehmet Yasar Coskun, u ndalua në aeroport, ku me vete ju gjend edhe një shumë e madhe parash. mediat bëjnë me dije se ai po tentonte të largohej nga vendi drejt Malit të Zi, ndërsa është nënë hetim nga autoritet turke.
Kompleksi “Rilindja” i cili kishte 250 apartamente u shemb i gjithi nga tërmeti, duke lënë mbi 800 njerëz të bllokuar.
Aktualisht autoritet turke janë duke hetuar ndërtuesin nëse ka përdorur materiale me cilësi të dobët ose nuk ka ndjekur rregullat e duhura në ndërtimin e ndërtesave.
Ministri i Drejtësisë Bekir Bozdag deklaroi se “Përgjegjësit do të gjenden dhe do të sillen para drejtësisë”.
