Një skandal ka plasur në Kanada, kjo pasi një deputet është shfaqur nudo në një mbledhje me Zoom të një komisioni parlamentar.
46-vjeçari William Amos kishte hapur kamerën pa dashje, në momentin kur po ndërrohej për t’u bërë gati për mbledhjen. Deputeti kërkoi menjëherë falje për incidentin:
“Videoja u hap kur po vishja rrobat e punës, pasi isha kthyer nga vrapi. I kërkoj falje të gjithë kolegëve. Ishte e paqëllimshme dhe nuk do të përsëritet më” , u shpreh Amos.
Disa nga kolegët e tij përfituan për ta ngacmuar deputetin, me njërin prej tyre që tha:
“Duhet t’i kujtojmë anëtarëve të komisionit, sidomos meshkujve, që kravata dhe xhaketa janë të detyrueshme, por të detyrueshme janë edhe këmisha, mbathjet ose pantallonat”.
