Tre raketa janë qëlluar në drejtim të Izraelit nga Siria. Lajmin e bën të ditur ushtria izraelite ndërsa shtohet se njëra prej tyre përfundoi brenda territorit të Sirisë.
Sulmi nga ajri vjen në një kohë kur raketat që Izraeli hodhi ndaj vendit fqinjë të Sirisë, Libanit vranë një anëtar të grupit të Hezbollahut.
Megjithatë, zyrtarisht nuk ka ende një konfirmim që dy ngjarjet janë të lidhur me njëra-tjetrën.
Konflikti mes Izraelit dhe Palestinës është intensifikuar në ditët e fundit, ku si pasojë e përplasjeve të armatosura dhe sulmeve ajrore kanë humbur jetën mbi 100 persona nga të dyja palët.
