Teksa mbi 24 mijë persona kanë mbetur të vdekur nga tërmeti shkatërrues i së hënës në Turqi, ende vijojnë të ndodhin mbrekulli që mbajnë ndezur shpresat e ekipeve të kërkim shpëtimit.
Një foshnjë e cila besohet të jetë vetëm 2 muaj u shpëtua nga rrënojat e tërmetit pas 128 orësh, sipas Anadolu Agency.
#URGENT Baby, believed to be 2-month-old, rescued from quake rubble after 128 hours in debris in southern Türkiye pic.twitter.com/lK7HEkDOK5
— ANADOLU AGENCY (@anadoluagency) February 11, 2023
Gjithashtu një familje me 5 anëtarë është gjetur e gjallë nën rrënoja, pas 129 orësh.
Ekipet e kërkim-shpëtimit arritën fillimisht të nxirrnin nënën dhe njërën nga vajzat e familjes. Më vonë, djali i familjes Sadık Buğra, u shpëtua nga rrënojat. Aktualisht po punohet për nxjerrjen e babait dhe vajzës tjetër.
Po ashtu, një i ri 20-vjeçar i quajtur Ülkü, nisi të fliste kur u afruan ekipet e kërkim-shpëtimit dhe u gjet i gjallë në rrënojat e ndërtesës së apartamenteve Necip Fazıl Kısakürek, në lagjen Elbistan të Kahramanmaraş, 128 orë pas tërmetit.
Pas kaq orësh u shpëtua dhe 13-vjeçari Arda Can Övün, i cili mbeti i bllokuar në rrënojat e ndërtesës në lagjen Antakya të Hatay./Albeu.com/
