Bota përballet me borë e acar, zjarret bëjnë kërdinë zjarret bëjnë kërdinë, dhjetëra të vdekur

Ndërsa shumë vende të botës po përballen me borë e acar, në Kili zjarret po bëjnë kërdinë.

Vala e të nxehtit që ka përfshirë vendin amerikano latin ka bërë të vështirë kontrollin e dhjetra vatrave të zjarrit që kanë marrë të paktën 23 jetë dhe kanë plagosur afro 1000 njerëz.

Gjysma e viktimave të raportuara deri më tani janë ne qytetin Santa Juana në Biobio.

Të premten, një helikopter u rrëzua duke mbështetur përpjekjet e emergjencës, duke vrarë pilotin dhe një mekanik.

Mbi 1,100 banorë janë detyruar të braktisin shtëpitë për shkak të rrezikut

Në këto kushte qeveria atje ka vendosur të zgjasë gjendjen e saj të jashtëzakonshme në disa rajone të prekura

“Kushtet e motit e kanë bërë shumë të vështirë shuarjen e zjarreve që po përhapen dhe urgjenca po përkeqësohet”, tha Ministrja e Brendshme

Qeveria ka marrë oferta ndihme nga Spanja, Shtetet e Bashkuara, Argjentina, Ekuadori, Brazili dhe Venezuela, duke përfshirë avionë dhe zjarrfikës.

Urdhrat lejojnë vendosjen e ushtarëve dhe burime shtesë për të ndihmuar në menaxhimin e katastrofës.

Rreth 40 mijë hektarë janë djegur, një sipërfaqe më e madhe se qyteti i Filadelfias.

Agjencia Kombëtare e Pyjeve raporton se 80 nga 231 zjarre gjithsej janë duke u shuar në mënyrë aktive, ndërsa 151 janë nën kontroll.

Presidenti Gabriel Boriç ndërpreu pushimet e tij dhe udhëtoi në Nuble dhe Biobio për të siguruar që zonat e prekura të marrin të gjithë mbështetjen e nevojshme.

Ai ka lënë të kuptohet se disa nga zjarret janë të qëllimshme./Albeu.com/


Shtuar 5.02.2023 22:39

Tags: ,