Bie nga shkëmbi pranë Kishës së Shën Konstandinit, shpëtohet mrekullisht i riu në Korçë

Një incident i ndodhur pranë Kishës së Shën Konstandinit në Korçë nuk përfundoi në tragjedi, për shkak të ndërhyrjes së shpejtë të zjarrfikësve.

Dy të rinj kishin ngjitur në këmbë zonën rreth kishës kur papritur, njëri prej tyre rrëshqiti dhe ra nga një shkëmb. Zjarrfikësit u njoftuan menjëherë dhe arritën në vendngjarje, duke e shpëtuar të riun pa lëndime serioze. Aktualisht, ai është në gjendje të mirë shëndetësore.