Autoritetet greke janë alarmuar gjatë natës, pasi u njoftuan për alarm për bombë në Larisa, në afërsi të vendit ku ndodhi aksidenti tragjik, ku vdiqën 57 persona, mes tyre 6 shqiptarë.
Forca të shumta policore mbërritën në vendngjarje.
Ata bënë rrethimin e vendit e më pas verifikimet e duhura, ku rezultoi se alarmi ishte fals, pasi në vend nuk kishte bombë.
Në Greqi ka pasur protesta ditën e sotme, të cilat u pasuan me trazira dhe përplasje, deri në përdorimin e molotovëve.
Ndërkohë mediet greke i kanë bërë jehonë lajmit se qeveria shqiptare ka shpallur ditën e dielë zi kombëtare për viktimat e aksidentit./albeu.com/
