Një autobus është përplasur me një makinë mëngjesin e ditës së sotme në qendër të Tiranës.
Policia njofton se si pasojë e aksidentit kanë mbetur të plagosur katër qytetarë që ishin pasagjerë në autobus. Ata janë dërguar në spital për të marrë mjekim, por ende nuk dihet gjendja e tyre shëndetësore.
Informacioni paraprak nga policia:
Në Qendër, janë përfshirë në një aksident një mjet autobus me një mjet tjetër. Si pasojë e aksidentit janë lënduar lehtë 4 pasagjerë të mjetit autobus të cilët u dërguan në spital, për kontroll mjekësor.
Grupi hetimor ndodhet në vendngjarje dhe po punon për zbardhjen e rrethanave të aksidentit.
