Aksident në Elbasan, makina përplas këmbësorin i cili ka marrë dëmtime të rënda

Një aksident është regjistruar pasditen e sotme në Elbasan. Mësohet se ngjarja ka ndodhur rreth orës 17:40 në afërsi të qendrës së qytetit në rrugën pranë Drejtorisë së Tatim-Taksave.

Sipas raportimeve një automjet ka përplasur një këmbësor i cili ka marrë dëmtime të rënda. I plagosuri është transportuar për në Spitalin Rajonal të Elbasanit. Policia i ka bërë testin e alkoolit drejtuesit të automjetit të përfshirë në aksident dhe e ka shoqëruar më pas në komisariat.