Mëngjesin e sotëm, një aksident i rëndë me pasojë vdekjen e një 56-vjeçareje, ka ndodhur në rrugën “Skënderbeu”në Golem.
Policia bën me dije se një 19-vjeçar i identifikuar me inicialet R. F. duke drejtuar automjetin e tij, dyshohet se ka humbur kontrollin mbi drejtimin e automjetit si pasojë e lagështirës në rrugë dhe ka aksidentuar këmbësoren, shtetasen Sh. Sh., 56-vjeçe.
Si pasojë e aksidentit, 56-vjeçarja ka ndërruar jetë.
Grupi hetimor ndodhet në vendngjarje dhe vijon punën për zbardhjen e plotë të rrethanave të aksidentit.
