Inspektorati Kombëtar i Mbrojtjes së Territorit ka zbarkuar sot në Dhërmi ku ka kryer edhe shembjen e një godine 5-katëshe e cila rezulton të jetë ndërtuar pa leje. Përmes një njoftimi zyrtar IKMT bën me dije se shembja e objektit me 2160 metër katror është bërë me shpërthim të komanduar, ku është përdorur nëj sasi prej 30 kg lëndë eksplozive.
Të lidhura
None found
“IKMT, prish me shpërthim të kontrolluar objektin 5 katësh në Dhërmi/ Inspektorati Kombëtar i Mbrojtjes së Territorit ka planifikuar të prishë sot me shpërthim të kontrolluar një objekt 5 katësh (4 kate mbi tokë një nën tokë) pa leje në Dhërmi. Sipërfaqja e ndërtimit të këtij objekti është 2160 metër katror. Për realizimin e operacionit janë hapur 618 furnela (vrima) në trupin e objektit ku do të vendosen 30 kilogramë lëndë eksplozive. Shpërthimi do të kryhet në orën 15.00”, shkruhet në njoftimin zyrtar. Inspektorët e IKMT së bashku edhe me Policinë e Shtetit, kanë marrë masat për lajmërimin e banorëve në afërsi të objektit si dhe për vendosjen e perimetrit të sigurisë.
