Asociacioni i Komunave të Kosovës do t’ia dorëzojë Qeverisë kërkesat e komunave, pas protestës së zhvilluar sot.
Të lidhura
None found
Kryetari i Asociacionit, Sazan Ibrahimi, deklaroi se komunat nuk po kërkojnë trajtim të privilegjuar, por respektimin dhe zbatimin e të drejtave që u garantohen me ligj.
Ndër kërkesat e komunave është kompensimi i detyrimeve që burojnë nga kontratat kolektive.
Ato kërkojnë gjithashtu që pagesat retroaktive për përvojën e punës të mbulohen nga buxheti qendror.
Një tjetër kërkesë lidhet me rishikimin e grantit për arsim dhe sigurimin e financimit për mbi 3,100 mësimdhënës.
Komunat kërkojnë ndalimin e centralizimit dhe të ndërhyrjeve që cenojnë kompetencat e tyre.
Po ashtu, kërkohet përgjegjësi për humbjen e fondeve të BE-së dhe për uljen e grantit të performancës.
Ndër kërkesat e paraqitura është edhe kompensimi i dëmeve të shkaktuara nga vërshimet dhe fatkeqësitë natyrore që nga viti 2022.
Asociacioni kërkon në fund krijimin e një granti të katërt për investime kapitale.
