Qendra për Menaxhimin e Krizave (QMK) njoftoi se gjatë 24 orëve të fundit janë evidentuar 26 zjarre në vend. Prej tyre, dy vatra vijojnë të jenë aktive, katër janë vendosur nën kontroll, ndërsa 20 janë shuar.
Të lidhura
None found
Sipas të dhënave të orës 7:30, njëri prej zjarreve aktive ndodhet në hapësirën mes fshatrave Kopanicë dhe Radushë, në Komunën e Sarajit, ku janë përfshirë pyje me kërcell të ulët dhe bimësi e ulët. Vatra tjetër aktive është në rajonin e Shtipit, mes fshatrave Sellcë, Puhçe, Stepanci dhe Lakavicë, ku po digjet bimësi e ulët.
Nën kontroll janë vënë zjarri në zonën e fshatrave Bitovo, Zagrad dhe Strajane, në Komunën e Makedonski Brod, ku janë prekur pyje me kërcell të ulët, bimësi e ulët, kullota dhe fierë, si edhe zjarri në Deponinë e Qytetit Ostrec në Delçevë.
Po ashtu, janë nën kontroll edhe zjarret pranë fshatit Dragov Dol në Komunën e Makedonski Brod dhe mbi fshatin Paligrad në Komunën e Zelenikovës.
