Përmbytjet dhe rrëshqitjet vdekjeprurëse të tokës në Nepal kanë lënë të zhdukur të paktën 590 shtetas të huaj, të cilët vijnë nga 39 vende të ndryshme.
Ministria e Jashtme e Nepalit bëri të ditur se deri tani ekipet e shpëtimit kanë mundur të nxjerrin të sigurt 323 shtetas të huaj. Zëdhënësi i ministrisë, Lok Bahadur Chhetri, konfirmoi të dhënat.
Të lidhura
None found
Sipas bilancit të përkohshëm të autoriteteve, numri i viktimave në Nepal ka shkuar në 903, ndërsa 4,247 persona vazhdojnë të rezultojnë të zhdukur.
Fatkeqësia natyrore ka prekur edhe Tibetin, në Kinë, pranë kufirit me Nepalin. Në këtë rajon janë konfirmuar 16 viktima, ndërsa 546 persona raportohen të zhdukur.
Duke përfshirë të dyja zonat e prekura, bilanci paraprak arrin në 919 të vdekur dhe 4,793 të zhdukur.
Operacionet e kërkim-shpëtimit vijojnë, ndërsa autoritetet paralajmërojnë se të dhënat për dëmet dhe viktimat mund të pësojnë ndryshime gjatë orëve të ardhshme.
