Pa pagesë do të jenë faturat e ujit të pijshëm për muajin gusht për banorët e Komunës së Gostivarit. Këtë vendim e mori Këshilli i Komunës gjatë seancës së mbajtur sot.
Të lidhura
None found
Masa synon të lehtësojë pasojat e krizës dhe të epidemisë, e cila zgjati një muaj.
Gjatë mbledhjes u diskutua edhe mundësia që qytetarët të përjashtoheshin nga pagesa për disa muaj. Kryetari i këshillit, Valdet Xhaferi, tha se kjo periudhë mund të ishte dy ose tre muaj, por nënvizoi se një vendim i tillë duhet të jetë i zbatueshëm në praktikë.
Almir Dauti, drejtor i Ndërmarrjes Publike “Komunalec”, deklaroi se situata e jashtëzakonshme me furnizimin me ujë zgjati një muaj. Sipas tij, falja e pagesës për një muaj është e mjaftueshme dhe duhet të vlejë për muajin gusht.
