Organizata “Albanians for America” ka përshëndetur marrëveshjen e arritur mes Lëvizjes Vetëvendosje dhe Lidhjes Demokratike të Kosovës për kandidimin e Prof. Dr. Bekim Sejdiut në postin e Presidentit të Republikës së Kosovës.
Të lidhura
None found
Përmes një deklarate, organizata ka vënë në dukje formimin akademik, përvojën profesionale dhe angazhimin e Sejdiut për shtetësinë e Kosovës, parimet demokratike dhe rritjen e rolit ndërkombëtar të vendit.
“Albanians for America” ka deklaruar se e mbështet këtë kandidaturë dhe u ka bërë thirrje të gjithë deputetëve të Kuvendit të Republikës së Kosovës që vendimmarrjen ta udhëheqin interesi shtetëror dhe nevoja për institucione të qëndrueshme, demokratike e të besueshme.
Sipas organizatës, Kosova ka nevojë për një President që bashkon qytetarët, e përfaqëson vendin dhe mbron interesat e tij shtetërore, duke forcuar njëkohësisht partneritetin strategjik me Shtetet e Bashkuara dhe orientimin euroatlantik të Republikës.
“Albanians for America” u ka kërkuar deputetëve që të mos vonojnë dhe të përmbushin përgjegjësinë e tyre kushtetuese përmes votimit të Presidentit të Republikës.
