Një situatë alarmante ka shpërthyer në zonën e Bulqizës, ku një zjarr masiv ka përfshirë fshatin Zall-Strikçan, pjesë e Njësisë Administrative Zerqan.
Era e fortë dhe bimësia e thatë kanë ndihmuar përhapjen e shpejtë të flakëve, të cilat tashmë po rrezikojnë seriozisht edhe disa banesa aty pranë.
Të lidhura
None found
Banorët e zonës dhe ekipet zjarrfikëse janë mobilizuar menjëherë në terren, duke punuar intensivisht për të rrethuar flakët dhe për të ndaluar avancimin e tyre drejt shtëpive.
Për shkak të terrenit të vështirë dhe kushteve atmosferike, përpjekjet për shuarjen e zjarrit po hasin pengesa të mëdha, ndërsa banorët qëndrojnë vigjilentë për të mbrojtur pronat e tyre.
