Këtë të shtunë, kryetari i Partisë Socialiste, Edi Rama, do të zhvillojë në orën 11:00, një takim me të deleguarit politikë të Tiranës dhe deputetët e këtij qarku.
Takimi vjen një ditë pas mbledhjes së zhvilluar në një prej vilave qeveritare në kryeqytet, ku kryeministri Rama zhvilloi një takim me drejtuesit politikë të qarqeve dhe ministrat.
Të lidhura
None found
Në qendër të diskutimeve pritet të jetë zbatimi në terren i dokumenteve “Besa” dhe “Prania Besnike”, me fokus forcimin e kontaktit të strukturave të Partisë Socialiste me qytetarët.
Gjatë mbledhjes së djeshme, Rama u ka kërkuar drejtuesve politikë në qarqe që të marrin një rol më aktiv në këtë proces, duke qenë më të pranishëm në zonat e tyre elektorale dhe duke forcuar komunikimin me qytetarët.
Po ashtu në mbledhjen e djeshme, Rama ka paralajmëruar edhe hartimin e ndryshimeve ligjore, në kuadër të nismës “Pasqyrë Albania”. Ai ka kërkuar që kjo nismë të trajtohet si një rregull që duhet të zbatohet nga të gjithë.
“Pasqyrë Shqipëri” duhet të jetë ligj dhe të zbatohet nga të gjithë”, mësohet të ketë deklaruar kryeministri.
