Një blackout i rrjetit të Vodafone raportohet në zona të ndryshme të jugut të Shqipërisë, duke shkaktuar probleme të konsiderueshme për abonentët, veçanërisht në një periudhë kur jugu është i mbipopulluar nga pushuesit.
Problemet me rrjetin janë konstatuar në disa zona bregdetare duke fiiluar nga ora 14:15, ku përdoruesit raportojnë vështirësi në kryerjen e telefonatave, përdorimin e internetit celular dhe komunikimin përmes rrjetit.
Të lidhura
None found
Redaksia e Albeu.com, kontaktoi me shërbimin e klientit të Vodafone për të marrë një shpjegim mbi situatën. Sipas përgjigjes së marrë, kompania tha se aktualisht po kryhen punime për përmirësimin e rrjetit.
Megjithatë, ndërprerjet dhe problemet me shërbimin ngrejnë pikëpyetje, pasi situata paraqitet veçanërisht problematike në zonat e plazhit, ku numri i përdoruesve është shumë i lartë gjatë sezonit turistik.
Mbetet për t’u parë se sa do të zgjasë problemi dhe kur shërbimi do t’i rikthehet normalitetit për abonentët në jug të vendit.
Në vijim priten të dhëna më të plota mbi zonat e prekura dhe kohëzgjatjen e ndërprerjes.
