Jamal Musiala ka rikthyer shqetësimin te Bayern Munich, pasi u rrëzua në fushë për herë të dytë brenda pak ditësh.
Mesfushori gjerman humbi ekuilibrin gjatë fitores 4-2 të bavarezëve kundër Heidenheimit, skuadër e kategorisë së dytë, në miqësoren e zhvilluar para nisjes së sezonit.
Të lidhura
None found
Menjëherë pas incidentit, lojtarët e Bayern Munichut u afruan rreth tij për ta mbuluar nga vëmendja e kamerave, ndërsa stafi mjekësor hyri me nxitim në fushë për t’i ofruar ndihmën e parë.
Pas një ndërhyrjeje të shkurtër mjekësore, 23-vjeçari u largua nga fusha dukej i tronditur dhe i çorientuar, çka shtoi pasigurinë rreth gjendjes së tij.
Musiala kishte përjetuar një situatë të ngjashme edhe disa ditë më parë, kur u rrëzua në mënyrë shqetësuese në fitoren e Bayern Munichut ndaj RB Leipzigut të shtunën.
Megjithatë, ai u rikthye në lojë dhe ndaj Heidenheimit e nisi takimin nga banka rezervë.
Bayern Munich triumfoi 4-2, në ndeshjen e fundit përgatitore përpara përballjes me Borussia Dortmundin në Franz Beckenbauer Supercup, e planifikuar për këtë të shtunë.
