Ministri në detyrë i Financave, Hekuran Murati, ka njoftuar se buxheti i destinuar për komunat e Kosovës pritet të arrijë në 907 milionë euro në vitin 2027.
Të lidhura
None found
Ai bëri të ditur se Ministria e Financave ka nxjerrë javën e kaluar qarkoren e dytë buxhetore për komunat, në të cilën janë caktuar kufijtë buxhetorë për secilën prej tyre.
Murati deklaroi se rritja e pandërprerë e të hyrave buxhetore në vitet e fundit ka zgjeruar hapësirën fiskale, duke mundësuar shtimin e vazhdueshëm të fondeve që u alokohen komunave.
“Performanca e jashtëzakonshme e të hyrave buxhetore gjatë viteve të fundit ka krijuar hapësirën e nevojshme fiskale që buxheti i ndarë për komunat të rritet vazhdimisht”, tha ai.
Të dhënat e paraqitura tregojnë se fondet për komunat, nga 546 milionë euro sa ishin në vitin 2021, parashikohet të rriten në 907 milionë euro në vitin 2027.
