Karim Benzema mund të largohet nga Al-Hilali që gjatë sezonit aktual, pasi klubi po vlerëson marrjen e një vendimi të papritur për të ardhmen e sulmuesit francez.
Sipas gazetarit saudit Ahmed Al-Ajlan, drejtuesit e Al-Hilalit mund të negociojnë një marrëveshje financiare me Benzeman, nëse gjatë kësaj vere sigurojnë shërbimet e një sulmuesi tjetër me aftësi të larta realizuese.
Të lidhura
None found
Ky lajm u publikua vetëm një ditë pas tensionit të krijuar me francezin në fitoren 4-2 kundër Al-Faisalyt, në takimin hapës të kampionatit arab.
Benzema u zëvendësua në minutën e 70-të dhe nuk e fshehu pakënaqësinë ndaj vendimit të trajnerit.
Pas ndeshjes, Simone Inzaghi doli në mbrojtje të sulmuesit të Al-Hilalit, duke deklaruar se dëshira për të kaluar sa më shumë kohë në fushë është e natyrshme për një lojtar të repartit ofensiv.
37-vjeçari mbërriti si lojtar i lirë tek Al-Hilali gjatë dimrit të kaluar, pasi ndërpreu kontratën me Al-Ittihad. Ish-sulmuesi i Real Madridit ka regjistruar deri tani 14 paraqitje me klubin në të gjitha garat.
Në këto ndeshje, Benzema ka shënuar 10 gola dhe ka kontribuar me pesë asistime, duke u kthyer në një nga figurat kryesore të fazës sulmuese të skuadrës.
