Egnatia ka siguruar tashmë pjesëmarrjen në fazën Play-Off të Europa League dhe synon të avancojë deri në grupet e këtij kompeticioni, ndërsa një vend në Conference League e ka të garantuar.
Të lidhura
None found
Për të vijuar ëndrrën europiane, kampionët e Superiores duhet të kalojnë fillimisht pengesën norvegjeze, Lillestrom. Në kampin rrogozhinas, përfshirë presidentin Agim Demrozi, ekziston besimi se skuadra mund të triumfojë ndaj rivalëve nordikë.
Një kualifikim në këtë përballje do t’i mundësonte Egnatias të barazonte arritjen e Skënderbeut, duke marrë pjesë në grupet e Europa League.
Në rast se ia del kundër Lillestromit, Egnatia do të pozicionohej në vazon e 4-të. Në të njëjtën vazo, me shumë gjasa, mund të jetë edhe Trabzonspori i Ernest Muçit, ndërsa një përballje me Milanin mbetet një mundësi reale, pasi skuadra kuqezi renditet në vazon kryesore.
