Një pacient 72-vjeçar ka humbur jetën në Klinikën e Sëmundjeve Infektive, pasi analizat laboratorike kishin konfirmuar praninë e virusit të Nilit Perëndimor.
Të lidhura
None found
Drejtori i klinikës, Fadil Cana, bëri të ditur se që në fillim pacienti shfaqi simptoma të rënda dhe një gjendje të theksuar neurologjike.
Megjithëse u ndërmorën të gjitha masat dhe gjendja e tij u monitorua vazhdimisht, shëndeti i të sëmurit u rëndua.
Në këto momente, në Klinikën e Sëmundjeve Infektive po trajtohen 24 pacientë.
Për 19 prej tyre infektimi me virusin e Nilit Perëndimor është vërtetuar me analiza, ndërsa 5 raste të tjera janë të dyshuara dhe ende në proces diagnostikimi.
