Drejtoria për Punë Hidrometeorologjike (DPHM) ka njoftuar se pasditen e sotme priten kushte për zhvillimin e stuhive, të shoqëruara me reshje të dendura, erëra të fuqishme, bubullima dhe breshër.
Të lidhura
None found
Sipas hartës së publikuar nga DPHM, moti i ligë do të përfshijë pjesën më të madhe të vendit, ndërsa përjashtim bëjnë Shkupi, Kumanova, Kriva Pallanka, Tetova dhe Gostivari.
Vlerat maksimale të temperaturave parashikohet të lëvizin nga 28 deri në 34 gradë.
Ndryshe nga pjesa tjetër e vendit, në Shkup pritet të mbajë mot me diell dhe vranësira të lehta deri në mesatare. Era do të fryjë me intensitet të dobët deri mesatar, nga drejtimi jugor./Telegrafi/
