Manchester City ka ndërmarrë një hap konkret për të siguruar shërbimet e Enzo Fernandezit, mesfushorit argjentinas dhe kapitenit të Chelseat. Klubi ka dorëzuar një ofertë zyrtare me vlerë 120 milionë euro, me synimin që transferimi të mbyllet brenda këtij afati kalimtar.
Të lidhura
None found
Kjo lëvizje e drejtuesve të Manchester Cityt vjen pas kërkesës së trajnerit Enzo Maresca. Ai e ka shprehur qartë dëshirën për ta pasur mesfushorin argjentinas dhe i ka kërkuar klubit të bëjë gjithçka të mundur për realizimin e marrëveshjes.
Chelsea nuk ka dhënë ende një përgjigje përfundimtare, pasi pretendon një shifër më të lartë për kapitenin e skuadrës. Klubi londinez e vlerëson Enzo Fernandezin në rreth 120 milionë funte, shumë që përkon me afro 139 milionë euro.
Sipas raportimeve, “Blutë” i kanë lënë afat Manchester Cityt deri të premten që të paraqesë një propozim në përputhje me pretendimet e tyre financiare. Për rrjedhojë, negociatat kanë hyrë tashmë në një etapë vendimtare.
Fernandez është 25 vjeç dhe marrëveshja e tij me Chelsean mbetet në fuqi deri në qershor të vitit 2032. Kohëzgjatja e kontratës i mundëson klubit londinez të negociojë nga një pozicion i favorshëm për të ardhmen e lojtarit.
Tashmë pritet që Chelsea të reagojë ndaj ofertës prej 120 milionë eurosh, ndërsa mbetet për t’u parë nëse kampionët anglezë do ta përmirësojnë paketën financiare për të transferuar kapitenin e klubit londinez.
