Një ngjarje e rëndë ka ndodhur në lagjen numër 10 të Korçës, pranë kryqëzimit të njohur si “Dritat e Verdha”, ku një makinë ka përplasur një karrocë fëmijësh.
Në momentin e goditjes, brenda karrocës ndodhej një foshnjë vetëm 1 vjeç e gjysmë. Sipas të dhënave fillestare, nëna ishte duke kaluar rrugën bashkë me të voglin nëpër vijat e bardha, kur automjeti u përplas me ta.
Të lidhura
None found
Menjëherë pas aksidentit, drejtuesi i mjetit e ka çuar vetë fëmijën në Urgjencën e Spitalit Rajonal të Korçës, pa pritur mbërritjen e autoambulancës.
Stafi mjekësor konfirmon se i mituri ka shpëtuar pa rrezik për jetën dhe aktualisht po i ofrohet kujdesi i duhur shëndetësor. Ndërkaq, autoritetet policore kanë filluar veprimet ligjore ndaj shoferit dhe po hetojnë për të sqaruar plotësisht dinamikën dhe shkaqet e kësaj ngjarjeje.
