Policia përdor ujë me piper ndaj protestuesve, një vajzë plagoset rëndë në fytyrë

Protesta përpara Kuvendit është shoqëruar me tensione, ndërsa efektivët e policisë kanë hedhur ujë me piper, në drejtim të protestuesve.

Gjatë përplasjeve në zonë, një vajzë ka marrë lëndime të rënda në fytyrë. Dëmtime serioze kanë pësuar edhe disa qytetarë të tjerë, të cilët janë parë të shtrirë përtokë.

Situata vijon të mbetet e tensionuar. Forcat policore kanë ndërhyrë për ta mbajtur atë nën kontroll dhe për të garantuar perimetrin e sigurisë përreth Kuvendit.