Sekretari i Përgjithshëm i Partisë Demokratike, Flamur Noka, ka kërkuar që kërkesat e grupit demokrat të përfshihen me urgjencë në rendin e ditës së Kuvendit, duke argumentuar se ato përputhen plotësisht me atë që kërkojnë protestuesit. Në një ndërhyrje të ashpër, ai i cilësoi socialistët si “zhgarravina” dhe akuzoi shumicën se po e shndërron Parlamentin në një institucion të poshtëruar, ku zëri i opozitës dhe i qytetarëve hidhet në kosh.
Ai vuri në dukje se është e turpshme që një kërkesë e sjellë nga grupi tjetër trajtohet me përparësi, ndërsa ajo e opozitës neglizhohet. Sipas tij, qytetarët që protestojnë dhe opozita po trajtohen në mënyrë të papranueshme, dhe Kuvendi po kthehet në një “palo Parlament”. Në fund, ai përsëriti thirrjen për futjen e menjëhershme të kërkesave të tyre në rend dite, duke theksuar se nuk kishte si t’i quante ndryshe maxhorancën, veçse “zhgarravina”.
Të lidhura
None found
