Gjatë një konference për shtyp në Zyrën Ovale, presidenti amerikan Donald Trump pohoi se fuqia ushtarake e Iranit është goditur në mënyrë drastike nga veprimet e Shteteve të Bashkuara. Ai e bëri këtë deklaratë në prani të kryeministrit të Irakut, Ali Al-Zaidi, duke nënvizuar se përgjegjësia për tensionet i takon Teheranit, që inicioi lëvizjet e para agresive.
Sipas tij, ofensiva amerikane i ka shkaktuar një dëm të konsiderueshëm arsenalit ushtarak të republikës islamike. “Sipas mendimit tim, ajo që ne i kemi bërë Iranit është t’i heqim gati të gjitha kapacitetet e tij luftarake,” theksoi kreu i Shtëpisë së Bardhë.
Të lidhura
None found
Trump zbuloi se përpjekja fillestare e administratës së tij kishte synuar rrugën diplomatike. “Unë dëshiroja t’u ofroja atyre një mundësi për të negociuar një marrëveshje. Megjithatë, ishin ata që goditën të parët. Qe një gabim fatal të na sulmonin, sepse përgjigjja jonë ishte e pamëshirshme. Bëhet fjalë për njerëz jashtëzakonisht kokëfortë,” shtoi ai.
Një tjetër temë e rëndësishme e diskutuar ishte tërheqja e presidentit nga propozimi për të aplikuar një taksë prej 20 për qind mbi anijet që tranzitojnë Ngushticën e Hormuzit. Ai u shpreh qartë kundër kësaj ideje. “Nuk mendoj se duhet t’u vendosim tarifa anijeve për kalimin në Ngushticën e Hormuzit. Askush s’duhet ta bëjë këtë,” deklaroi trump.
Ai shpjegoi se ndryshimi i qëndrimit erdhi pas një bisede me liderët e vendeve të Gjirit. Këta të fundit i paraqitën një plan alternativ që përfshinte angazhime të mëdha financiare. “Ata më thanë: ‘Ne do të preferonim të vepronim në një mënyrë tjetër. Dëshirojmë të investojmë në Shtetet e Bashkuara me miliarda e miliarda dollarë’,” tregoi presidenti, duke përmbyllur se në parim nuk është ithtar i vendosjes së detyrimeve të tilla.
