Analisti Haxhi Isufi ka reaguar në rrjetet sociale ndaj protestave të mbajtura në vend kundër kryeministrit Edi Rama, duke hedhur poshtë pretendimet se ato po dëmtojnë turizmin.
Sipas tij, protestuesit fillimisht janë etiketuar me akuza të ndryshme, ndërsa tani po ngarkohet me faj edhe fakti se, gjoja, po i largojnë turistët nga Shqipëria. Isufi shkruan se në këto tubime kanë qenë edhe qytetarë të huaj dhe se disa eurodeputetë kanë shprehur mbështetje, çka tregon, sipas tij, se nuk ka arsye për frikë.
Të lidhura
None found
Ai sjell edhe në kujtesë shembjen e resortit “Prestige”, duke e vënë përballë me diskutimet e sotme për ndikimin e protestave në turizëm. Isufi thekson se nuk duhet harruar se në mes të ditës, “Prestige” ishte plot me pushues dhe u hodh në erë pa u menduar aspak për ta.
Në vijim, ai kritikon edhe organizimin e një koncerti të Kaney Wast dhe mënyrën se si janë menaxhuar fondet publike, duke thënë se janë shpërdoruar 4.2 mln euro.
Në mbyllje të reagimit, Isufi u bën thirrje qytetarëve të marrin pjesë në protestë deri në largimin e Ramës, duke e përshkruar atë si një përvojë që, sipas tij, sjell shpresë dhe optimizëm.
Reagimi i plotë:
Protesta po tremb TURISTËT
Pasi me protestuesit u tallën, më pas i quajtën spiunë të Iranit, Serbisë, Greqisë, Koresë, Kinës, Indisë, Afganistanit etj., sot dëgjojmë se ata po trembin turistët që të vijnë në Shqipëri.
Për çudi, në protestë erdhën e folën edhe eurodeputetë, por përnatë flasin dhe e përshëndesin protestën turistë nga vende të ndryshme, madje marrin pjesë edhe në të.
Te kjo parrullë: “Po tremben turistët”, m’u kujtua hedhja në erë, në mes të ditës, e resortit PRESTIGHE, i mbushur plot me turistë, dhe ata të shkretët, të traumatizuar, me brekë nëpër këmbë dolën në rërë për të parë se nga vinte bombardimi… Madje disa dolën lakuriq nga dushet.
Dhe sot po detyrohen të mbushin stadiumin ku do të këndojë GORILLA me nxënës shkollash dhe punonjës të shtetit. Kryeministri tha se i pagoi 4,2 milionë euro për të mos nxirë Shqipërinë, por më duket se e mbylle për faqe të zezë me një bythë të zezë.
Nuk jam racist, por realist. Kështu ndodh kur me muzikën nëpër botë merret një që vetëm këngën “Librazhdi im, sa fort të dua” ka kënduar në jetën e tij.
Mirupafshim në bulevard. Unë dal gati përnatë; më duket sikur shikoj një ëndërr të bukur…
