Aktivisti dhe organizatori i marshimeve Visuar Dalipi, organizatori i marshimeve, tha për News24 se po përgatisin një letër për ambasadat e huaja në vend, ku do t’i vënë në dijeni për kërcënimet që, pasi sipas tij, po u bëjnë segmente të qeverisë protestuesve.
Pjesë nga intervista:
Të lidhura
None found
Visuar Dalipi: Qeveria po mbron krimin, ndërsa gangsterët janë të lirë. Këto janë përpjekjet e fundit. Ne kemi hartuar një letër për të gjitha ambasadat, për të gjithë ata persona që janë kërcënuar. Do të njoftojmë çdo ambasadë që mundemi. Të paktën t’i informojmë, edhe nëse nuk na japin ndihmë.
Ola Bruko: Ju jeni të vendosur t’i shkoni deri në fund protestës…Visuar Dalipi: Prej 1 muaji e pak ditësh nuk po fle, vetëm 2-3 orë në ditë. Këtë betejë e kam nisur në rrjetet sociale 3 vite më parë, kur u kam thënë shqiptarëve stop, sepse këto gjëra do të ndodhnin. Kam qenë i pari që kam thënë të ngrihen nga kafja. Ne po luftojmë për të ardhmen e tyre, ndërsa na filmojnë dhe qeshin… Të vijnë aty për të ardhmen e fëmijëve të tyre. Unë prej 1 muaji nuk e kam parë djalin tim. Kjo nuk duhet të ndodhë. Pas 3 muajsh miratojnë ligjin e SHISH, i cili mund të lejojë hyrjen në shtëpi dhe kontrollin, edhe më diktatorial se në kohën e diktaturës.
Ola Bruko: Ka kërcënime ndaj jush, ju nuk ndaleni, nuk ndaleni as nga tentativat e politikës për t’ju përçarë…Visuar Dalipi: Kemi qëndruar 2 orë me dhimbje ekstreme nga sprajti; të tjerët nuk e dinë çfarë efektesh ka. Na ka shkaktuar djegie të lëkurës deri të nesërmen. Jemi larë me ujë të oksigjenuar dhe lëkura e ndien ende edhe sot. Ai është menduar që, kur përdoret për ta ndalur dikë, të përdoret ndaj arinjve. Kam pamje filmike ku i godasin nga afër në sy. Kam marrë edhe videot e Osman Stafës, të cilin e falënderoj për qëndresën dhe për gjithçka. Këto janë shkelje të të drejtave të njeriut.
Ambasadat dhe e gjithë bota duhet ta dinë. Gjithçka nisi për Zvërnecin. Në 1990, studentët e nisën protestën sepse u ndërprenë dritat për 2 ditë… Edhe sot ndodhi e njëjta gjë. Ata që fikën dritat në ’90 meritojnë një kafe. Dhe atyre që bënë atë që ndodhi në Zvërnec u duhet dhënë një kafe, sepse zgjuan shqiptarët.
