Ministria e Punëve të Brendshme bëri të ditur se projekti “Safe City”, i cili është vënë në zbatim këtë vit, ka ndikuar në uljen e numrit të viktimave nga aksidentet në rrugë.
Të lidhura
None found
Sipas të dhënave të MPB-së, në periudhën nga shkurti deri në qershor janë evidentuar 34 viktima, ndërsa në të njëjtin interval të vitit të kaluar numri ishte 55, çka përbën një rënie prej 40 për qind.
“Gjatë periudhës nga shkurti deri në qershor të këtij viti, numri i personave që humbën jetën në aksidente trafiku është ulur me 40% – nga 55 viktima në të njëjtën periudhë të vitit të kaluar, në 34 këtë vit”.
Po ashtu, nga MPB theksojnë se që nga nisja e zbatimit të sistemit janë regjistruar mbi 130 mijë kundërvajtje në komunikacion, ndërsa mbi 95% e tyre lidhen me tejkalimin e shpejtësisë së lejuar. Sipas tyre, kjo dëshmon qartë se kërcënimi kryesor në rrugë nuk janë kamerat, por ngasja e papërgjegjshme e automjeteve.
