Gjatë punimeve të gërmimit për ngritjen e një ndërtese në bulevardin “Metropoliti Teodosij Gologanov” në Shkup, dje është hasur një granatë që i përket periudhës së Luftës së Dytë Botërore.
Të lidhura
None found
Sipas njoftimit të Ministrisë së Punëve të Brendshme, rasti është denoncuar dje në polici në orën 12:00 nga N.I. Më pas, një ekip inspektues nga SPB Shkup ka dalë në vendin e ngjarjes dhe, pas kontrollit të kryer, ka konstatuar se bëhet fjalë për një granatë nga Lufta e Dytë Botërore.
Siç thuhet në buletinin ditor të MPB-së, për largimin e sigurt të granatës është njoftuar Drejtoria për mbrojtje dhe shpëtim.
