Ministria e Punëve të Jashtme dhe Tregtisë bëri të ditur se ministri Timço Mucunski, gjatë një vizite dyditore në Katar, zhvilloi takime me përfaqësuesit më të lartë të këtij vendi, ku u riafirmua vullneti për të thelluar bashkëpunimin politik dhe ekonomik ndërmjet dy shteteve.
Të lidhura
None found
Në kuadër të kësaj vizite u firmosën tre dokumente: marrëveshja për heqjen e vizave për mbajtësit e pasaportave diplomatike, zyrtare dhe speciale, memorandumi për vendosjen e konsultimeve politike dhe memorandumi për bashkëpunim në fushën e edukimit diplomatik.
Sipas Ministrisë së Punëve të Jashtme dhe Tregtisë, këto akte përbëjnë një bazë shtesë institucionale për avancimin e marrëdhënieve politike dhe përforcimin e bashkëpunimit në fushat me interes të përbashkët.
