Fundjava e parë e korrikut ka shënuar një lëvizje të shtuar në Pikën e Kalimit Kufitar të Morinës, teksa mijëra qytetarë nga Kosova kanë udhëtuar drejt Shqipërisë.
Të lidhura
None found
Sipas të dhënave të Drejtorisë së Kufirit dhe Migracionit, vetëm nga ora 05:00 deri në 09:00 kanë hyrë në territorin shqiptar 11,725 shtetas nga Kosova me 2,740 automjete. Fluksi i lartë ka sjellë radhë të përkohshme në kufi, ndërsa autoritetet kanë vënë në funksion të gjitha sportelet e kontrollit për të përshpejtuar procedurat.
Ndërkohë, për automjetet me targa të Kosovës po zbatohet regjimi i kalimit të lehtësuar, në zbatim të marrëveshjeve në fuqi. Për mjetet me targa të huaja, nga ana tjetër, po ndiqen procedura të përshpejtuara me synim shmangien e vonesave.
Situata në drejtim të Morinës është rënduar gjithashtu edhe nga dy aksidente që kanë ndodhur njëri pas tjetrit në Vërmicë, pranë kufirit me Shqipërinë.
