Dyshohet se një banor i Gramshit është rrëzuar nga shkëmbi në malin e Gopeshit, nisen ekipet e kërkim-shpëtimit

Këtë të diel, një ngjarje e rëndë është raportuar në malin e Gopeshit, në njësinë administrative Moglicë, në Maliq.

Sipas të dhënave paraprake, dyshohet se një person ka rënë nga një shkëmb.

Bëhet e ditur se ai është një banor nga Gramshi, i cili kishte shkuar në zonën malore për të mbledhur çaj.

Drejt vendit të ngjarjes janë nisur grupi hetimor dhe forcat zjarrfikëse, me qëllim gjetjen e banorit dhe sqarimin e plotë të rrethanave të kësaj ngjarjeje.