Gentian Berberi, ish-drejtori i policisë së Shkodrës, është përjashtuar nga Policia e Shtetit. Vendimi është marrë nga Strukturat e Standardeve Profesionale, vetëm pak ditë pasi atij iu komunikua largimi nga posti i drejtorit të DVP Shkodër, për shkak se kishte ofenduar dhe kërcënuar drejtoreshën e Burimeve Njerëzore në Policinë e Shtetit.
Sipas informacionit, fyerjet dhe kanosjet janë bërë brenda zyrës së drejtoreshës, e cila menjëherë më pas e ka kallëzuar Berberin në AMP.
Të lidhura
None found
Së fundmi, Berberi ishte transferuar në detyrën e shefit të sektorit të analizës së riskut në drejtorinë e menaxhimit dhe drejtimit.
Ai mbante gradën “drejtues”, ndërsa përveç përjashtimit nga radhët e uniformave blu, ndaj tij është bërë edhe kallëzim për kanosje.
