Komisionerja për Zgjerimin e Bashkimit Evropian, Marta Kos, është shprehur optimiste për përparimin e Shqipërisë dhe Malit të Zi në rrugën e anëtarësimit, duke i renditur ato mes vendeve më të avancuara në procesin e integrimit evropian.
Në Konferencën për Rindërtimin e Ukrainës, e zhvilluar në Poloni, Kos nënvizoi ecurinë e Shqipërisë dhe tha se vendi ndodhet në një stad të avancuar të negociatave, duke iu afruar mbylljes së kapitujve, çka përbën një hap të rëndësishëm drejt përmbushjes së standardeve të BE-së.
Të lidhura
None found
Sipas saj, vazhdimi me sukses i procesit të zgjerimit varet nga ritmi i reformave dhe angazhimi i institucioneve, të cilat mbeten thelbësore.
Ndërkohë, kryeministri Edi Rama u shpreh se integrimi evropian i Shqipërisë është një proces i pakthyeshëm. “Siç thoshte Churchill, nuk duhet humbur kurrë një krizë e mirë. Besoj se ka gjëra nga të cilat duhet të mësojmë dhe për të cilat duhet të reflektojmë, por ndërkohë askush nuk mund ta ndalë rrugën e Shqipërisë drejt Bashkimit Evropian”, tha ai.
