Australia e ka siguruar praninë në raundin e 1/16-ve të Kupës së Botës FIFA 2026, pasi e mbylli pa gola, 0-0, përballjen e fundit të Grupit D ndaj Paraguait.
Skuadra australiane pati më shumë kontroll mbi lojën në pjesën dërrmuese të sfidës, por nuk arriti t’i shfrytëzonte mundësitë që krijoi dhe në fund mori vetëm një pikë, e cila i mjaftoi për të avancuar në fazën eliminatore.
Të lidhura
None found
Me pikë të njëjta si Paraguai, Australia e përfundoi fazën e grupeve në pozitën e dytë, duke përfituar nga diferenca më e mirë e golave.
Paraguai, ndërkohë, do të duhet të presë përfundimin e ndeshjeve në grupet e tjera për të kuptuar nëse do të arrijë të kalojë më tej si një prej tetë përfaqësueseve më të mira të renditura në vendin e tretë.
Në takimin tjetër të këtij grupi, Shtetet e Bashkuara u mundën 3-2 nga Turqia, por sërish e ruajtën kreun e Grupit D.
Pas daljes si kryesuese e grupit, SHBA-ja do të luajë kundër Bosnjës dhe Hercegovinës në raundin e 1/16-ve, ndërsa Australia do ta mësojë më vonë rivalin e saj, pasi të përfundojnë ndeshjet e mbetura të fazës së grupeve.
