Klasikja e parë shqiptare e këtij sezoni, mes Vllaznisë dhe Tiranës, do të luhet më 24 tetor, në stadiumin “Loro Boriçi” të Shkodrës. Përballja do të nisë në orën 18:30.
Para ndeshjes, klubi shkodran ka publikuar një foto me informacionet kryesore të takimit, ku përfshihen data, java, stadiumi dhe orari. Në qendër të imazhit është qendërsulmuesi Bekim Balaj, i rrethuar dhe i përqafuar nga bashkëlojtarët.
Të lidhura
None found
Balaj shihet si një pikë e rëndësishme e repartit ofensiv të kuqebluve dhe si një “stekë e vjetër” përpara portës. Sulmuesi shkodran ka veshur më herët edhe fanellën e Tiranës, gjatë sezonit 2011–2012, periudhë në të cilën fitoi 3 trofe me bardheblutë: 2 Kupa dhe 1 Superkupë.
Në 47 paraqitje me Tiranën, Balaj realizoi 20 gola, duke u shfaqur si një finalizues i rrezikshëm përballë portës kundërshtare.
