Përfaqësuesja e Shteteve të Bashkuara të Amerikës në Organizatën e Kombeve të Bashkuara deklaroi se Uashingtoni vijon të mbështesë paqen dhe stabilitetin në Ballkanin Perëndimor, duke nënvizuar nevojën për pajtim mes Kosovës dhe Serbisë.
Të lidhura
None found
Ajo u shpreh se presidenti amerikan, Donald Trump, i çmon të dyja vendet dhe synon që rajoni të ketë paqe, stabilitet dhe prosperitet.
Gjatë deklaratës së saj, përfaqësuesja amerikane u kërkoi Kosovës dhe Serbisë të veprojnë me përmbajtje, të ndërmarrin masa konkrete për forcimin e besimit dhe garantimin e stabilitetit, si dhe të marrin pjesë në mënyrë konstruktive në dialogun e ndërmjetësuar nga Bashkimi Evropian.
“Zgjidhja e qëndrueshme dhe përparimi afatgjatë do të varen nga Prishtina dhe Beogradi, jo nga Këshilli i Sigurimit”, deklaroi ajo.
Sa i përket seancave të Këshillit të Sigurimit për Kosovën, ajo bëri të ditur se pozicioni i Shteteve të Bashkuara për numrin e tyre mbetet i pandryshuar.
