Fondi i Sigurimit Pensional dhe Invalidor ka bërë të ditur se pensionistët nuk duhet të shqetësohen pas publikimit të raportit përfundimtar të Entit Shtetëror të Revizionit për veprimtarinë e institucionit gjatë vitit 2024.
Sipas këtij institucioni, pensionet po paguhen pa ndërprerje dhe në mënyrë të rregullt, ndërsa të gjitha të drejtat për shërbime shëndetësore për pensionistët vazhdojnë të jenë plotësisht të siguruara.
Të lidhura
None found
Nga Fondi Pensional sqarojnë se rritja e detyrimeve ndaj Fondit Shëndetësor dhe ndaj shtyllës së dytë pensionale lidhet me rritjen e pensioneve për afro 347 mijë pensionistë dhe nuk paraqet tregues të vështirësive financiare në institucion.
Në raportin e revizionit thuhet se deri në fund të shkurtit, Fondi kishte detyrime në vlerë prej 136,4 milionë eurosh për sigurimin shëndetësor të pensionistëve, si dhe 42,2 milionë euro kontribute të pashpërndara ndaj fondeve private pensionale.
Fondi Pensional thekson gjithashtu se tashmë ka nisur zbatimi i masave për përmirësimin e menaxhimit financiar dhe nënvizon se nuk ekziston asnjë rrezik për funksionimin e sistemit pensional.
