Në diskutimin për amendamentet ndaj Projektligjeve për Shërbimin Gjyqësor dhe Prokurorinë Publike, ministri i Drejtësisë Igor Filkov i bëri thirrje opozitës se procesi i reformave në gjyqësor nuk do të bllokohet nga kalkulimet e përditshme dhe pengesat politike.
Filkov tha se mund të pranojë fyerjet ndaj tij, pasi ato, sipas tij, janë shfaqje e frustrimit politik, e pafuqisë dhe e edukimit të brendshëm. Megjithatë, ai theksoi se nuk do të lejojë që para opinionit vendas të shtiret një shqetësim i rremë dhe të manipulohet me faktet.
Të lidhura
None found
Ai u shpreh gjithashtu se i vjen keq që debati ishte ndërprerë një ditë më parë, duke kujtuar se ishte paraparë edhe një takim i grupit të punës për ndryshimet në Kodin Zgjedhor.
Sipas Filkovit, bëhet fjalë për të njëjtin grup pune në të cilin opozita mungon, me synimin e qartë për të bojkotuar procesin reformues. “Këtë, natyrisht, nuk mundem dhe nuk duhet ta lejoj”, deklaroi Filkov./Telegrafi/
