Sulmuesi shqiptar do të jetë në planet e “Bluve” për sezonin e ri 2021/22.
Krerët e klubit londinez Chelsea janë duke punuar drejt finalizimit të një kontrate afatgjate për sulmuesin e ri të talentuar Armando Broja, raporton gazetari i njohur Fabrizio Romano.
Si duket trajneri Thomas Tuchel e ka në planet e tij sulmuesin shqiptar, dhe ky i fundit pritet të nënshkruajë kontratë të re deri në qershor të vitit 2026.
Sezonin e kaluar, Broja ka qenë në huazim në ligën holandeze tek Vitesse, ku ka regjistruar 11 gola dhe tre asistime në të gjitha garat mbi emrin e tij.
Nga sot, ai do të jetë pjesë e ekipit të parë tek Chelsea për ndeshjet para-sezonale.
