“Inshallah” që do të thotë “në dashtë Allahu”, i është shtuar fjalorit Duden të Gjermanisë.
Në renditjen e re, fjala është shkruar si “inschallah”, duke theksuar se është një term i përdorur në botën myslimane kur i referohet së ardhmes.
Nuk dihet nëse fjala do të printohet ose jo në botimin më të ri të fjalorit, por kjo nuk është hera e parë që fjalët nga bota myslimane kanë hyrë në fjalorin gjerman vitet e fundit.
“Oha” e përdorur zakonisht nga turqit ia doli të futet në fjalorin gjerman, pasi ka fituar popullaritet si shprehje e habisë ose befasisë.
Gjermania, një vend me mbi 81 milionë njerëz, ka popullsinë e dytë më të madhe myslimane në Evropën Perëndimore pas Francës.
Ndër gati 4.7 milionë myslimanë të vendit, 3 milionë kanë rrënjë turke. Shumë gjermanë turq janë pasardhës të gjeneratës së dytë ose të tretë të emigrantëve turq, të cilët u transferuan në vend gjatë viteve 1960.
/Dailysabah.com
